best urdu quotes hazrat ali

                          

best urdu quotes hazrat ali

                       1

بے شک نفس کی اطاعت اور اس کی خواہشوں کی پیروی تمام مصیبتوں کی بنیاد ہے اور ہر طرح کی گمراہی کا پیش خیمہ ۔ 

                                   2

بے شک وہ مسافر جسے کامیابی کی امید اور ناکامی کا خطرہ ہے اسے چاہئے کہ اپنے سفر کیلئے اچھا سامان تیار کرے۔ بے شک حکیم کا کلام جب درست ہو تو دوا ہے اور جب غلط ہو تو داء ( بیماری) ہے۔ 

                                   3

بے شک اللہ تعالیٰ دین ان ہی لوگوں کو عطا فرماتا ہے جو اس کے خاص پیارے اور برگزیدہ ہیں۔

                                  4

 بے شک نیت کو فساد سے پاک کرنا مدت دراز تک کوشش کرنے کی نسبت زیادہ سخت اور دشوار ہے۔ میں پہنچ جائے۔ 

                                 5

بے شک تیرے آگے ایک دراز اور شدید منزل موجود ہے جس کیلئے تجھے چاہئے کہ بہتر رہبر تلاش کرے اور اس قدر زاد راہ تیار کر لے کہ تو منزل مقصود پر بہتر حال بے شک اللہ تعالی کا ایسا کرم ہے کہ خوشحالی میں اپنے فضل سے طرح طرح کی نعمتوں سے نوازتا ہے اور تنگی کے وقت نعمت تطہیر بخشتا ہے ( یعنی گناہوں سے پاک کرتا ہے) بے شک یہ دنیا ناممکن اور محال امیدوں سے مغرور کرتی ، جھوٹ موٹ کی آرزوؤں سے فریب دیتی اور طرح طرح کے تفکرات پیدا کرتی ہے اور بلاشبہ یہ آخرت سے دور کرتی اور ہلاکت کے گڑھے میں جاڈالتی ہے۔ 

                                  6

جو کوئی اللہ تعالی سے خیر خواہی کا خواستگار ہوتا ہے وہ یقیناً اس کی توفیق کو حاصل کر لیتا ہے۔ 

                                 7

جو شخص مجھ سے کسی خاص چیز کی وجہ سے دوستی کرتا ہے اس چیز کے ختم ہونے پر وہ تجھ سے برکنار ہو جائے گا۔

                                   8

 جو شخص کسی گمراہ سے ہدایت چاہتا ہے وہ ہدایت کی راہ سے اندھا اور دور ہو جاتا ہے۔ 

                                   9

جس شخص کا نفس شریف ہوتا ہے وہ اسے کمینے اور خراب کاموں کی طلب سے بچائے رکھتا ہے۔ 

                                 10

جو شخص علم کے سوا کسی دوسرے طریقہ سے ہدایت طلب کرتا ہے وہ گمراہ ہو جاتا ہے۔

                                11

 جس شخص کا باطن ظاہر کے مطابق اور اس کے افعال اقوال کے مطابق ہو جائیں وہ امانت کے حق ادا کر دیتا ہے اور اس کی راست بازی پایہ ثبوت کو پہنچ جاتی ہے۔ 

                              12

جو شخص مال دنیا کو نا جائز طریقوں سے حاصل کرتا ہے وہ یقیناً اپنی آخرت کو نقصان پہنچاتا ہے۔ 

                               13

جو شخص طلب دنیا میں حد سے بڑھ کر کوشش کرتا ہے وہ محتاج ہو کر مرتا ہے۔ جو شخص حق کے سوا کسی اور ذریعہ سے عزت چاہتا ہے وہ ذلت اٹھاتا ہے۔ 

                              14

جو شخص زمانے کی نیرنگی اور اس کے حالات سے عبرت نہیں پکڑتا اور کسی کی ملامت سے سبق نہیں لیتا اور وہ بُرے کاموں میں لگا رہتا ہے وہ گھاٹے کے سودے میں رہتا ہے۔ 

                             15

جس شخص میں فضائل (اچھی صفات) کم ہوتے ہیں لوگوں کے ساتھ اس کے تعلقات کمزور اور ضعیف ہوتے ہیں۔

                            16

 بے شک اللہ تعالیٰ کی یہ بڑی نعمت ہے کہ انسان پر گناہوں کا کرنا دشوار ہے۔

                            17

بے شک وہ جو اللہ تعالیٰ کی اطاعت بجالائیں اور اس کی نافرمانیوں سے بچنے میں اپنے نفس سے جہاد کریں، بارگاہ رب العزت میں نیک بندوں اور شہیدوں کا رتبہ پاتے ہیں۔ 

                            18

علماء موت کے بعد بھی زندہ رہتے ہیں اور جہلاء حیات میں بھی مردہ ہیں۔ احسان ایک ذخیرہ ہے اور کریم وہ ہے جو اس ذخیرے کو جمع کرے۔