new aqwal e zareen 2023

new aqwal e zareen 2023

عقل کے بڑھانے اور تیز کرنے پر سب سے زیادہ مدد دینے والی چیز تعلیم ہے۔

 تمام مخلوق میں اللہ تعالیٰ کے نزدیک سب سے مبغوض وہ شخص ہے جو بوڑھا ہو کر نا کرے۔ 

سب سے اچھا علم وہ ہے جو عمل کے ساتھ ہو اور اللہ تعالی کے ہاں سب سے بھارتی گناہ وہ ہے جو اس کے کرنے والے کی نظر میں چھوٹا ہو۔

 اہل دنیا حوادث کا نشانہ، مصائب کا ٹھکانہ اور تکالیف کیلئے لوٹ کا مال ہیں۔ 

سب سے افضل خلق سخاوت اور سب سے زیادہ عام نفع والا عمل انصاف ہے۔

 بہترین جہاد یہ ہے کہ نفس کو اس کی خواہشوں اور لذات دنیا سے باز رکھا جائے۔ 

سب سے اندھا وہ شخص ہے جو ہماری اہل بیت رضی اللہ تعالیٰ عنہم سے محبت اور فضیلت سے اندھا ہو۔ بلاشبہ موت ایک ایسا ملاقاتی ہے جس سے لوگوں کو اُلفت و محبت نہیں ہے۔

 بے شک تقویٰ اللہ تعالیٰ کی رضا مندی کا منشا ہے کہ وہ اس کے ذریعے اپنے بندوں اور اپنی خاص مخلوق پر راضی ہوتا ہے۔ جو کام سب سے زیادہ ضروری ہو پہلے اس کی تدبیر کرو۔ 

بے شک دنیا کوچ کا مقام ہے اور رہنے کا گھر نہیں اور اس میں بھلائی کم اور برائی زیادہ ہے۔

بے شک دنیا کی عادت ہے کہ انس و محبت کرنے کے بعد وحشت میں ڈالتی اور طمع دلا کر اُمید کرتی ہے اور جو بد بخت ہیں وہ اس کی خواہش رکھتے ہیں۔ 

اگر تو اپنے کسی دوست پر بھروسہ کرے تو اپنے معاملات کے اظہار میں احتیاج کر اور اس کو اپنے تمام راز نہ بتلا شاید کہ کسی وقت اس پر ندامت اٹھانی پڑے۔ 

ظلم کرنے کے وقت اللہ تعالیٰ کے انصاف کو یا د رکھ کہ وہ تمہارے معاملے کو نہایت انصاف کے ساتھ فیصلہ کرے گا۔

سچائی کو کبھی ہاتھ سے نہ چھوڑ گو اس میں نقصان کا خوف ہو کیونکہ سچائی جھوٹ سے ہر حال بہتر ہے اگر چہ اس میں کسی نفع کی امید معلوم نہ ہو۔ 

جہاں تک ہو سکے لوگوں کی پردہ پوشی کر کہ اللہ تعالیٰ تیرے وہ عیب جن کو تو چھپانا چاہتا ہے ظاہر نہ فرمائے۔ 

اللہ تعالیٰ کی رضا جوئی کیلئے نرم مزاجی اور تواضع اختیار کر اور لوگوں کے ساتھ نیکی اور بھلا کرنے کو غنیمت سمجھ ۔ خلوت کو ذکر سے پُر کر اور نعمت کو شکر کے ساتھ مصاحب بنا۔

 جو شخص مجھے امین سمجھ کر کوئی امانت تیرے حوالے کرے، اس کی امانت ادا کر دے اور جو شخص تیری امانت میں خیانت کرے تو اس کی امانت میں بھی خیانت نہ کر ۔ 

چاپلوسی سے پر ہیز کر، کیونکہ چاپلوسی ایمان دار کے اخلاق میں سے نہیں۔

 اپنی بُرائی پر نادم ہو اور جو کسی کے ساتھ نیک سلوک ہو جائے تو اس پر پشیمانی نہ کر۔ 

عقل مندی کا ایک نصف بردباری اور دوسرا نصف چشم پوشی ہے۔ 

ہمیشہ موت اور ان کے بعد جو جو حالات آنے والے ہیں ان کو یاد کیا کر اور مضبوط شرط کے بغیر موت کی آرزو نہ کر۔۔ 

حمیت نفس، شدت غضب، غلبہ قوت اور زبان کی تیزی اپنے قابو میں رکھ۔

 کشادہ پیشانی سے پیش آنا اپنا شیوہ رکھ کہ اس کے سبب بغض و کینہ دور ہو جائیں گے۔

 چغلی کو بُرا جان خواہ کچی ہو یا جھوٹی اور ہر حال میں اللہ تعالیٰ کی اطاعت ملحوظ رکھ اور اس کے خوف اور اُمید سے ایک لمحہ بھی دل کو خالی نہ رکھ اور اپنے گناہوں پر ہمیشہ استغفار کرتا رہ ۔ 

صلہ رحمی کی بہت سی ایسی صورتیں ہیں کہ ان سے قطع رحم بہتر ہے۔ 

اگر تمہیں کسی چیز کی خواہش ہو تو اس جنت کی خواہش کرو جس کا عرض ساتوں آسمانوں اور زمین کے برابر ہے۔