hazrat ali k aqwal about love
 |
| hazrat ali k aqwal about love |
یہ نہایت سعادت مندی کی بات ہے کہ انسان عوام کی خیر خواہی اور درستی کے لئے کوشش کرے۔
اچھی پر ہیز گاری یہ ہے کہ انسان تنہائی میں وہ کام نہ کرے جن کو لوگوں کے سامنے کرنے سے شرم کرتا ہے۔
شریف و نیک لوگوں کے ساتھ بُرائی کرنا، بدبختی اور شقاوت کا نشان ہے۔
سخی دل لوگوں کو اوروں کو کھانا دینے اور مدد کرنے میں لذت حاصل ہوتی ہے مگر بخیلوں کو اپنا پیٹ بھرنے اور اندوختہ بنانے میں راحت و خوشی معلوم ہوتی ہے۔
عارفان خدا تعالیٰ کی زیارت اور ملاقات کرنے سے دل آباد ہوتے اور علم وحکمت کے خزانے ہاتھ آتے ہیں۔
ریا کار شخص کی زبان اچھی ہوتی ہے مگر اس کے دل میں بیماری چھپی ہوتی ہے۔
ریاضت نفس علم پڑھنے اور عادت کے مغلوب کرنے سے حاصل ہوتی ہے۔
تجھے چاہئے کہ میانہ روی کو اپنی سواری بنائے اور راست روی اور نیک کاموں کے سوا تیرا کوئی دوسرا مطلب نہ ہو۔
تیری زبان وہی باتیں کیا کرتی ہے جن کا تو نے اسے عادی بنا رکھا ہے۔
اگر مخلوق کے رزق ان کی عقل کے مطابق تقسیم کئے جاتے تو جانوروں اور بے عقل لوگوں کے حصے میں بہت ہی تھوڑی روزی آتی اور وہ بھوک سے مر جاتے ۔
اگر احسان آدمی کی شکل میں دکھائی دیتا تو ایسا با جمال ہوتا کہ تمام جہان پر فوقیت رکھتا۔ تھوڑا سا علم عمل کے ساتھ بہت سے علم سے جو بغیر عمل کے ہو بہت بہتر ہے۔
Comments
Post a Comment