Peer Syed Nasir Shah Rubaiyat Panjabi Rubaiyat ناصر شاہ رباعیاں
ایہہ وی شان حبیب میرے دی سینہ نور دی کان ایں
اہدے لئی سب کھیڈاں بنیاں کل عالم دی جان اس
اپنا آپ تعارف رب نے خود جس نوں کروایا
سورج واپس پلٹیا ناصر جد سونے فرمایا
ایہہ وی شان حبیب میرے دی سینہ نور دی کان ایں
اہدے لئی سب کھیڈاں بنیاں کل عالم دی جان ایں
سچ فرمایا مہر علی نے اوہ تے رہدی شان ایں
ناصر دسے شان کیہ ابدی خلق جہدا قرآن ایں
ایہہ وی شان حبیب میرے دی ہر اک عقدہ کھولے
اوه دوزخ دا بالن بن دا شان اہدی جو تو لے
اک اک مٹھ بول سجن دا منہ وچ مصری گھولے
ناصر اوہدے صدقے جس دے بولن وچ رب بولے
میں کو ہجھا بیکار کو جا کہلاتے دیوانہ
عیاں بھریا سب توں ماڑا ناں کوئی کول خزانہ
فقط سہارا پاک نبی دا نئیں کوئی ہور ٹھکانہ
ناصر مدد کرے گا میری پیر حسین دا نانا
الله ای جانے ویکھیاں کیویں کالیاں زلفاں والے
سوہنیا سوہنیاں توں وی تک کے نہیں جاندے قدم سنبھالے
اک واری وی جس دے گھر وچ کردا آن اجالے
جاندی واری لے جاندا اے ناصر دل وی نالے
شہر مدینے والیاں سجناں یا اک کرم را پھیرا
ابو ایوب دے وانگوں کر جا میرا بھاگ اچیرا
جے پۓ جاوے گھر وچ میرے قدم نورانی تیرا
سر جانا ایں اپنی گل وچ ناصر بتہ میرا
مالک رہوے نراض جیدے تے اوہ کیوں مہندی لاوے
نال اوہ کجلا پاوے ہر گز ناں ای سیس گنداوے
قسمت والی بہہ کے ڈولی سوہرے گھر نوں جاوے
ناصر اوہو سہاگن جیہڑی اپنے خصم نوں بھاوے
چھڈ دے جھوٹی دنیا سجناں رہو دلدار دے نیڑے
دلوں مکائے تد مکدے نیں سارے جھگڑے جھیڑے
گوتے کھان اور کنڈ کر دے نیں یار ملا حاں نوں جیہڑے
ناصر بار ملاح جے ہودے مڑ نیں اڑدے بیڑے
Comments
Post a Comment